Í kvöld var birtur framboðslisti V-lista Vinstri grænna og óháðra til sveitarstjórnarkosninga í Norðurþingi. Ég fæ þann heiður að leiða þennan lista eins og á núverandi kjörtímabili. Þetta er frábær og breiður listi með öflugu fólki úr öllum áttum. Eiginlega mætti snúa honum á hvolf ef því væri að skipta. Ég hlakka mikið til að vinna með þessu fólki næsta kjörtímabilið.
Framboðslisti Vinstri grænna og óháðra í Norðurþingi. (Á myndina vantar nokkur)
Fréttatilkynning sem send var út 23. apríl 2018:
V-listi Vinstri-grænna og óháðra í Norðurþingi hefur kynnt framboðslista til sveitarstjórnarkosninga árið 2018.
V-listinn hefur verið leiðandi í sveitarstjórn Norðurþings á líðandi kjörtímabili. V-listinn hefur átt stóran þátt í þeim mikla viðsnúningi sem náðst hefur í rekstri Norðurþings og komið mikilvægum málum í framkvæmd á tímabilinu. Listinn býður nú fram með bæði reyndu og nýju fólki sem kemur víða frá hinu víðfema svæði Norðurþings. Óli Halldórsson, formaður byggðarráðs Norðurþings á líðandi kjörtímabili leiðir listann. Annað sæti listans skipar Kolbrún Ada Gunnarsdóttur kennari og deildarstjóri, Berglind Hauksdóttir leikskólakennari í þriðja sæti og Sif Jóhannesdóttir þjóðfræðingur og sveitarstjórnarmaður í fjórða sæti. Guðmundur H. Halldórsson málarameistari skipar fimmta sætið og Röðull Reyr Kárason þjónustufulltrúi sjötta sætið.
V-listinn hefur nokkra sérstöðu meðal annarra framboða í Norðurþingi og víðar að því leyti að konur eru í afgerandi meirihluta á listanum. Auk þess að konur skipi þrjú af fjórum efstu sætunum þá eru þær 11 talsins á móti 7 körlum á listanum í heild. Með þessu vill V-listi Vinstri-grænna og óháðra sýna í verki að tími sé kominn til að auka hlut kvenna í sveitarstjórnarmálum á Íslandi og draga fram þau áherslumál sem konum eru hugleikin í almannaþjónustu og forgangsröðun almennt.
FJÖLSKYLDAN og UMHVERFIÐ eru megináherslumál V-listans í Norðurþingi árið 2018. Málefnaskrá listans verður kynnt á Húsavík laugardaginn 28. apríl í tilefni af heimsókn Katrínar Jakobsdóttur forsætisráðherra.
V- listi Vinstri græn og óháðra í Norðurþing fyrir sveitarstjórnarkosningarnar 2018 er eftirfarandi:
- Óli Halldórsson, Forstöðumaður,Húsavík
- Kolbrún Ada Gunnarsdóttir, Grunnskólakennari, Húsavík
- Berglind Hauksdóttir, Leikskólakennari, Húsavík
- Sif Jóhannesdóttir, Þjóðfræðingur, Húsavík
- Guðmundur H. Halldórsson, Málarameistari, Húsavík
- Röðull Reyr Kárason, Þjónustufulltrúi, Húsavík
- Nanna Steina Höskuldsdóttir, Verkefnastjóri og bóndi, Raufarhöfn
- Stefán L. Rögnvaldsson, Bóndi, Öxarfirði
- Aldey Traustadóttir, Hjúkrunarfræðingur, Húsavík
- Guðrún Sædís Harðardóttir, Grunnskólakennari, Reykjahverfi
- Selmdís Þráinsdóttir, Ìþròtta-og heilsufræðingur, Húsavík
- Silja Rún Stefánsdóttir, Bústjóri, Öxafirði
- Aðalbjörn Jóhannsson, Verkamaður, Reykjahverfi
- Jóna Birna Óskarsdóttir, Leikskólaleiðbeinandi, Húsavík
- Aðalsteinn Örn Snæþórsson, Lífræðingur, Kelduhverfi
- Sólveig Mikaelsdóttir, Sérkennsluráðgjafi, Húsavík
- Trausti Aðalsteinsson, Afgreiðslustjóri, Húsavík
- Þórhildur Sigurðardóttir, Kennari, Húsavík