Svona styður þú frambjóðanda (Óla Halldórsson) í forvali hjá VG í Norðausturkjördæmi 2021!
(1) Tryggir að vera skráð(ur) hjá VG fyrir 2. FEBRÚAR
-Sjá skráningu á netinu hér: https://vg.is/taktuthatt/
-Tekur 2 mínútur að skrá sig rafrænt. Staðfest um hæl.
-Líka hægt að senda tölvupóst á vg@vg.is – til að skrá sig (og úrskrá hvenær sem er auðvitað).
(2) Gætir þess að TAKA ÞÁTT í rafrænni kosningu 13.-15. FEBRÚAR
-Ef þú vilt styðja Óla Halldórsson – velurðu hann í 1. sæti
-Öðrum frambjóðendum raðar þú í hin fjögur sætin sem kosið er til eftir því sem þú metur vænlegast til árangurs (þau hin eru öll afbragðs fólk 🙂 )
Mundu að…
… Nöfn skráðra félaga, hvort þeir stoppa skráðir inn í styttri eða lengri tíma, verða hvergi birt opinberlega og njóta ríkulegrar persónuverndar.
… Eingöngu allra efstu sæti á lista VG (1 .-2.) munu að líkindum eiga von á þingsæti (VG á tvö þingsæti á núverandi kjörtímabili).
… Niðurstaða úr kosningu er þannig reiknuð að í 1. sæti fer sá/sú sem flest atkvæði fær í það sæti; frambjóðandi (af öðru kyni) sem fær flest atkvæði í 1.-2. sætið samtals fer í 2. sæti; frambjóðandi sem fær flest atkvæði í 1.-3. sæti telst hafa hlotið kosningu í 3. sæti; o.s.frv.
… VG leggja mikla áherlsu á jafnan hlut kynja í öllu og því líklegt að listar flétti kynjum jafnt, en möguleiki er þó að tvær konur raðist í tvö efstu (ekki tveir karlar). Hver og einn þátttakandi í forvali/prófkjöri þarf að hugsa val sitt út frá þessum forsendum, m.t.t. þess hvaða frambjóðendur keppa um hvaða sæti.
… Jafn auðvelt er að skrá sig úr VG og það er að skrá sig í hreyfinguna (tölvupóstur á vg@vg.is með beiðni um úrskráningu). VG-fólk vonast auðvitað til þess að fólk taki þátt sem lengst og mest, en enginn er bundinn innan raða VG degi lengur en hann/hún kýs.
